Loading...
Bro.Ezekiel
Chennai
+91 9444447744

Bible Study

**சங்கீதப் புத்தகம்* **வேத பாடம் 28*
*உங்கள் சிந்தனைக்கு**
**சங்கீதப் புத்தகம்*
**வேத பாடம் 28*

**தியானிக்க வேண்டிய வேதப்பகுதி: சங்கீதம் 18*
(இரண்டாம் பகுதி)

தாவீது ஒரு சிறந்த போர் வீரன்; சிறந்த கவிஞன். அவன் தேவனைப் புகழ்ந்து பாடிய பாடல்களை இன்றும் நாம் தியானிக்கிறோம்; நம்முடைய ஆராதனைகளிலும் பயன்படுத்துகிறோம்.
தேவனுக்காக ஒரு ஆலயத்தைக் கட்டுவதில் மிகுந்த வைராக்கியத்துடன் இருந்தவன். அந்த ஆலயத்தைக் கட்டுவதற்குத் தேவையான அனைத்து ஆயத்தப் பணிகளையும் செய்து முடித்தவன். அவன் ஒரு சிறந்த ஆராதனையாளனும்கூட.
**இத்தனை சிறப்புகளுக்கு மத்தியில், தாவீது ஒரு தீர்க்கதரிசி* என்பதையும் நாம் புரிந்துகொள்ள வேண்டும். அவன் எழுதிய சங்கீதங்களில் பல, இயேசு கிறிஸ்துவை முன்னிறுத்தி தீர்க்கதரிசனமாக எழுதப்பட்டவை. ஏறக்குறைய 15-க்கும் மேற்பட்ட சங்கீதங்களில் இயேசு கிறிஸ்துவைக் குறித்த தீர்க்கதரிசனங்களை எழுதியிருக்கிறான்.
அதுமட்டுமல்ல, **இந்தச் சங்கீதத்தில் தன்னுடைய ஆறு விதமான ஆவிக்குரிய சாட்சிகளைக் குறித்தும் தாவீது எழுதியிருக்கிறான்.**
இன்றைய விசுவாசிகளுக்கு இத்தகைய சாட்சிகள் மிகவும் அவசியமானவை.
தேவன் தாவீதைக் குறித்து சாட்சி கொடுத்ததோடு, தாவீதும் தன்னுடைய வாழ்க்கையின் சாட்சிகளை எடுத்துரைத்து அதை உறுதிப்படுத்துகிறான்.
தாவீது தன்னுடைய வாழ்க்கையில் குறிப்பிட்ட ஆறு சாட்சிகள்:
1.கர்த்தருடைய வழிகளைக் கைக்கொண்டான்.

(சங்கீதம் 18:21)
2.தேவனுக்குத் துரோகம் செய்யவில்லை.

(சங்கீதம் 18:21)
3…தேவனுடைய நியாயங்களைத் தன் கண்களுக்கு முன்பாக வைத்திருந்தான்.

(சங்கீதம் 18:22)
4.தேவனுடைய பிரமாணங்களை விட்டு விலகவில்லை.

(சங்கீதம் 18:22)
5.துர்க்குணத்துக்கு விலகித் தன்னைக் காத்துக்கொண்டான்.

(சங்கீதம் 18:23)
6.தேவனுக்கு முன்பாக நீதிமானாக நடந்துகொண்டான்.

(சங்கீதம் 18:23)
இத்தகைய சிறந்த சாட்சிகளைப் பெற்றிருந்த தாவீது, பத்சேபாளுடனான தவறான உறவினால் தன்னுடைய ஆவிக்குரிய வாழ்க்கையில் மிகப்பெரிய சரிவைச் சந்தித்தான். ஆனாலும், அவன் தன்னுடைய தவறை உணர்ந்து மனந்திரும்பி, தேவனுடைய கிருபையினால் மீண்டும் எழுந்தான்.
நாமும் இதுபோன்ற ஒரு நல்ல சாட்சியை நம்முடைய வாழ்க்கையில் கூறக்கூடியவர்களாக இருக்க வேண்டும். அப்படிப்பட்டவர்களைத் தேவன் நிச்சயமாகத் தம்முடைய பணியில் பயன்படுத்துவார்.
**ஆம், நாம் செய்யும் தவறு என்னவென்றால், பல நேரங்களில் பாத்திரத்தின் வெளிப்புறத்தைப் பார்த்து ஏமாந்துவிடுகிறோம்*. ஆனால் தேவனுக்கும் நமக்கும் மட்டுமே தெரிந்திருக்கிற நம்முடைய உள்ளான வாழ்க்கையும், உறவுகளும் அவருக்குப் பிரியமானவையாக இருக்க வேண்டும். வெளிப்புறத்தில் மட்டும் பகட்டான பக்தியை வெளிப்படுத்திப் பயனில்லை.
**நம்முடைய வாழ்க்கையில் தோல்விகள் ஏற்படலாம்*. **ஆனால் நம்முடைய இருளை வெளிச்சமாக்கக்கூடிய தேவன் நமக்கு இருக்கிறார்.*
**நம்முடைய ஆவிக்குரிய வாழ்க்கைப் போராட்டத்தில் நமக்குக் கிடைத்திருக்கும் மிகப்பெரிய தைரியம் என்ன தெரியுமா?*
**நம்முடைய பலவீனங்களை அறிந்து, நமக்காகப் பிதாவினிடத்தில் பரிந்து பேசுகிற ஒரு பிரதான ஆசாரியர் இன்றைக்கு நமக்கு இருக்கிறார். **
ஆகவே, நம்முடைய ஆவிக்குரிய ஓட்டத்தைத் தொடர்ந்து ஓடி, பரிசைப் பெற்றுக்கொள்ள முடியும்.
தாவீதின் தவறுகளுக்காக தேவன் அவனைச் சிட்சித்து, பின்னர் மன்னித்தார். அதுபோல, நம்முடைய பிரதான ஆசாரியராகிய இயேசு கிறிஸ்துவும் நமக்காகப் பிதாவினிடத்தில் பரிந்து பேசுகிறார்.
**இந்த உலக வாழ்க்கையில் நான் ஆறுதல் அடைகின்ற வேத வசனங்களில் மிக முக்கியமான ஒன்று இதுவும் ஒன்று.*
“நம்முடைய பலவீனங்களைக்குறித்துப் பரிதபிக்கக்கூடாத பிரதான ஆசாரியர் நமக்கிராமல், எல்லாவிதத்திலும் நம்மைப்போல் சோதிக்கப்பட்டும், பாவமில்லாதவராயிருக்கிற பிரதான ஆசாரியரே நமக்கிருக்கிறார்."
எபிரெயர் 4:15
எவ்வளவு பெரிய சாட்சிகளைத் தாவீது தன்னுடைய வாழ்க்கையில் பெற்றிருந்தாலும், **அவனும் ஒரு மிகப்பெரிய ஆவிக்குரிய சரிவைச் சந்தித்தான்.*
**அதுபோலவே, நம்மைச் சுற்றிலும் நெருக்குகின்ற பாவச் சூழ்நிலைகளில் நாம் தடுமாறுகின்ற வேளைகளில், நம்மைப் பலப்படுத்தி, ஆவிக்குரிய வாழ்க்கையில் தொடர்ந்து ஓடச் செய்வது நமக்காகப் பரிந்து பேசுகின்ற இந்தப் பிரதான ஆசாரியரின் கிருபையே.*
தாவீதுக்குக் கிடைத்த அந்தக் கிருபை, விசுவாசிகளாகிய நமக்கும் இயேசு கிறிஸ்துவின் மூலமாகக் கிடைத்திருப்பது எவ்வளவு பெரிய பாக்கியம்!
**நம்முடைய பலவீனங்களையும் தோல்விகளையும் விட, நமக்காகப் பரிந்து பேசுகின்ற இயேசு கிறிஸ்துவின் கிருபை பெரியது* என்பதை ஒருபோதும் மறந்துவிடக்கூடாது.