Loading...
Bro.Ezekiel
Chennai
+91 9444447744

Bible Study

*சங்கீதப் புத்தகம்* *வேத பாடம் 27*.
**உங்கள் சிந்தனைக்கு*.

**சங்கீதப் புத்தகம்*
*வேத பாடம் 27*.

**தியானிக்க வேண்டிய வேத பகுதி சங்கீதம் 18*

**நெருக்கடியான நேரங்களில் தாவீதிடம் வெளிப்பட்ட* **உன்னதமான குணம்*

யெகோவா தாவீதை எல்லாப் பகைவர்களின் கைகளிலிருந்தும் சவுலின் கையிலிருந்தும் விடுவித்தபோது, இப்பாடலின் வார்த்தைகளை அவன் யெகோவாவுக்குப் பாடினான். இந்தப் பாடல் பாடகர் குழுத் தலைவனுக்கு ஒப்புவிக்கப்பட்டது. அவன் சொன்னதாவது:
**இதே சங்கீதம் 2 சாமுவேல் புத்தகம் 22-வது அதிகாரத்திலும் முழுமையாக வருகிறது.*

**இந்தச் சங்கீதத்தின் சிறப்பான அம்சம் விடுதலை என்பதே*
இதில் பல இடங்களில் தாவீது தான் அடைந்த விடுதலை குறித்து கடவுளுக்கு நன்றி செலுத்துகிறான்.
**இந்தச் சங்கீதத்தை மூன்று கோணங்களில் நாம் தியானிக்கலாம்*
.
1. **வரலாற்றுப் பார்வை*
தாவீது சவுலுடைய தாக்குதலுக்குப் பயந்து ஓடி, ஒளிந்து மறைந்து வாழ்ந்த வாழ்க்கை முடிந்து, கடவுள் தான் முன்குறித்தபடி தன்னை ராஜாவாக ஆட்சி செய்ய அரியணையில் அமர்த்தியபோது கடவுளுக்கு நன்றி செலுத்திப் பாடிய பாடல் இது.
2. **கிறிஸ்துவோடு இணைத்துப் பார்க்கலாம்*
தாவீதுக்கு அளிக்கப்பட்ட ராஜ்ய வாக்குத்தத்தம் கிறிஸ்துவில் நிறைவேறுதல்; குறிப்பாக, சங்கீதம் 18:49-க்கு ரோமர் 15:9 கொடுக்கும் விளக்கத்தைக் கவனிக்க வேண்டும்.
"**The New Testament is concealed in the Old, and the Old Testament is revealed in the New.*" — St. Augustine.
பழைய ஏற்பாட்டில் புதிய ஏற்பாடு மறைந்திருக்கிறது; புதிய ஏற்பாட்டில் பழைய ஏற்பாடு வெளிப்படுத்தப்பட்டிருக்கிறது.
3. **ஆவிக்குரிய கண்ணோட்டம்*
தேவனை நம்புகிறவர்கள் எதிர்ப்புகளின் மத்தியிலும் அவரையே சார்ந்திருக்க வேண்டும். தாவீதுக்கு உதவிய தேவன் நம்மையும் நம்முடைய எல்லா நெருக்கடிகளிலிருந்தும் விடுவிக்க வல்லவர்.
**பழைய ஏற்பாட்டில் சொல்லப்பட்ட எந்த நிகழ்வுகளையும் வெறும் வரலாற்று நிகழ்வுகளாகவோ சம்பவங்களாகவோ மட்டுமே நாம் பார்த்தால், அது ஒரு வரலாற்றுப் புத்தகமாக மாறிவிடும்*.
**அந்த வரலாற்று நிகழ்வுகளைக் கொண்டு கடவுள் இன்றைக்கு நம்மோடு என்ன சொல்ல விரும்புகிறார் என்பதுதான் முக்கியம்.*
அதே வேளையில், பழைய ஏற்பாட்டில் புதிய ஏற்பாடு மறைந்திருக்கிறது; புதிய ஏற்பாட்டில் பழைய ஏற்பாடு வெளிப்படுத்தப்பட்டிருக்கிறது.18:49
இதன்படி, பழைய ஏற்பாட்டில் சொல்லப்பட்டுள்ள எல்லா நிகழ்வுகளிலும் இயேசு கிறிஸ்து எவ்வாறு மையப்படுத்தப்பட்டிருக்கிறார் என்பதையும் நாம் அறிந்துகொள்ள வேண்டும்.
அப்படியாக, இந்தச் சங்கீதத்தை மூன்று கோணங்களில் பார்க்கலாம்.
1. **வரலாற்றுப் பார்வையில்*
தாவீது கடவுளைத் தன்னுடைய வல்லமையாகவும், பாதுகாப்பாகவும், ஆபத்துகளிலிருந்து காப்பவராகவும், ஆபத்துக் காலத்திலிருந்து விடுதலை அளிப்பவராகவும் பார்க்கிறார்.
**Strength, Safety, Security and Salvation*.
இந்தச் சங்கீதத்தில் தாவீது தனக்கு அளிக்கப்பட்ட மிகப்பெரிய விடுதலையைக் (Deliverance) குறித்து கடவுளுக்கு நன்றி செலுத்துகிறான்.
கடவுள் தனக்கு அளித்த விடுதலை குறித்து பல இடங்களில் சுட்டிக்காட்டுகிறார். தான் கூப்பிட்ட நேரங்களிலெல்லாம் கடவுள் தனக்கு அளித்த விடுதலையை எண்ணி நன்றி செலுத்துகிறார்.
**நான் கூப்பிட்டேன், அபயமிட்டேன், சத்தமிட்டேன் என்று சொல்லிவிட்டு, அவர் என்னை இரட்சித்தார், என் சத்தத்தைக் கேட்டார், என்னை விடுவித்தார் என்று கூறி கடவுளுக்கு தாவீது நன்றி செலுத்துகிறார்.*
நம்முடைய ஆண்டவர் நம்முடைய கூப்பிடுதலுக்குப் பதில் அளிக்கிற தேவன். எவ்வளவு பெரிய நெருக்கடியாக இருந்தாலும், நம்முடைய பார்வையில் எல்லாம் கைவிட்டுப் போனாலும், நாம் அவரைக் கூப்பிடும்போது அவர் நமக்கு அருகில் வந்து நம்முடைய கூப்பிடுதலைக் கேட்டு நமக்கு விடுதலை அளிக்கிற தேவன்.
பல ஆண்டுகளாகத் தன்னை விரட்டிவந்த சவுலுக்குப் பயந்து ஓடிய நேரங்களிலெல்லாம் அவனுடைய கதறலைக் கேட்டு அவனைப் பாதுகாத்தார்.
**நம்முடைய Security, Safety எல்லாம் அவருடைய கரத்தில் இருக்கிறது.* நம்முடைய பணமும், செல்வாக்கும், அதிகார பலமும் நமக்கு ஒருபோதும் உண்மையான பாதுகாப்பை உறுதிப்படுத்த முடியாது.
அதே வேளையில், கடவுளுடைய அனுமதியின்றி எந்தவொரு தீமையோ இழப்போ நமக்கு ஏற்படாது.
**பல ஆண்டுகளாக ஒவ்வொரு இடமாக ஓடி ஓடி வாழ்ந்த அவனுக்கு இறுதியில் சிங்காசனம் கிடைத்தது.* சாமுவேல் தாவீதை ராஜாவாக அபிஷேகம் செய்த காலத்திற்கும், அவன் உண்மையாகவே அரசனாக அரியணை ஏறிய காலத்திற்கும் இடையில் பல ஆண்டுகள் கடந்தன. ஆனாலும், கடவுள் தனக்கு வாக்குக் கொடுத்ததை நிறைவேற்றுவார் என்ற நம்பிக்கையோடு அந்த வனவாச வாழ்க்கையைக் கடந்து சென்றான்.

Delay is not a denial.
**நெருக்கடியாக வாழ ஒரு காலம் உண்டு; விசாலமாக வாழ ஒரு நேரமும் வரும்.*
நம்மைவிட நம்முடைய எதிரிகள் எவ்வளவு பலசாலிகளாக இருந்தாலும், அவர்களிடமிருந்து நம்மை மீட்க அவர் போதுமானவர் (18:17).
எதிரிகளின் பலம் எவ்வளவு என்பது முக்கியமல்ல; கடவுள் எவ்வளவு வல்லமையுள்ளவர் என்பதே முக்கியம்.
நம்முடைய உத்தமத்தையும் உண்மையையும் ஒருபோதும் அவர் மறந்துவிடுகிற தேவன் அல்ல. அதற்கேற்றபடி பதிலளிப்பார் (18:24-29).
**இந்தக் கஷ்டமான நேரங்களில் தாவீதிடம் நாம் பார்க்கக்கூடிய மிக உயர்ந்த ஆவிக்குரிய குணம் என்னவென்றால், தன்னை விரட்டிவிரட்டி அடித்த சவுலைக் கொல்வதற்கு வாய்ப்புக் கிடைத்த நேரத்திலும்கூட அதை அவன் பயன்படுத்தவில்லை.என்பதே*
**அதனால்தான் அவனுடைய சங்கீதங்கள் மிகப்பெரிய ஆராதனைப் பாடல்களாக இன்றைக்கும் சபையில் ஒலித்துக்கொண்டிருக்கின்றன.*
ஆனால், இன்று ஆராதனை வீரர்கள் என்று தங்களை அழைத்துக்கொள்பவர்கள், **தங்கள்மீது குற்றம் சாட்டுகின்ற ஆவிக்குரிய மூத்த தலைவர்களின் அனுபவம், தியாகம் ஆகியவற்றையெல்லாம் பொருட்படுத்தாமல், அவர்களை ஆன்மிக ரீதியாகக் கொலை செய்துவிடுகிறார்கள்.*
**இதுதான் இன்றைய ஆராதனை வீரர்களுக்கும் தாவீதுக்கும் உள்ள வித்தியாசம்.*
**சவுல் விஷயத்தில் தாவீது காட்டிய பொறுமை இன்றைய இளம் வாலிபத் தலைவர்களுக்கும், முன்னேறத் துடிப்பவர்களுக்கும் ஒரு பாடமாக அமைய வேண்டும்*. அப்படி அமைந்தால் அவர்களுடைய ஆவிக்குரிய வாழ்க்கை கட்டப்படும். இல்லாவிட்டால் மிக விரைவில் அது தரைமட்டமாகிவிடும்.
(18:24-29)