Loading...
Bro.Ezekiel
Chennai
+91 9444447744

Voice of the Laity

விசுவாசிகளுடைய வேதத்தைப் புரிந்துகொள்ளும் தன்மை*
***உங்கள் சிந்தனைக்கு*

**விசுவாசிகளுடைய வேதத்தைப் புரிந்துகொள்ளும் தன்மை*

இன்றைக்கு தமிழகத்தில் விசுவாசிகளுடைய ஆவிக்குரிய புரிதல் எப்படி இருக்கிறது என்பதை **இரண்டு வகைகளாகப் பிரித்துப் பார்க்கலாம்*.
1. **முதலாவது வகையினர்:*
**ஒரு போதகர் அல்லது தேவனால் பயன்படுத்தப்படுகின்ற ஊழியர்கள் எதைச் சொன்னாலும், எதைப் பேசினாலும், எதை உபதேசித்தாலும், அது தேவனுடைய வார்த்தைக்கும் வேதத்தின் கோட்பாடுகளுக்கும் உட்பட்டதாகத்தான் இருக்கும் என்று கண்மூடித்தனமாக ஆதரித்து, ஏற்றுக்கொள்கிற மனப்பான்மை கொண்டவர்கள்*.
2. **இரண்டாவது வகையினர்:*

**யார் இதைப் பேசினாலும், கர்த்தரால் பயன்படுத்தப்படுகின்ற எவ்வளவு பெரிய ஊழியர்களாக இருந்தாலும், அவர்கள் கூறுகின்ற காரியங்களை ஆராய்ந்து பார்க்க வேண்டும் என்ற மனப்பான்மை கொண்டவர்கள்*.
அந்த உபதேசத்தில் உள்ள குறைகள் என்ன? நிறைவுகள் என்ன? எவற்றை ஏற்றுக்கொள்ளலாம்? எவற்றை ஏற்றுக்கொள்ளக் கூடாது? எவற்றை நிராகரிக்க வேண்டும்? எவற்றைப் புறந்தள்ள வேண்டும்? அந்த உபதேசத்தில் எவ்வளவு ஆபத்து இருக்கிறது, எவ்வளவு நன்மை இருக்கிறது என்பதை வேதத்தின் அடிப்படையில் ஆராய்ந்து பார்க்கக்கூடிய ஆவிக்குரிய புரிதல் இன்றைய விசுவாசிகளிடம் அறவே இல்லை என்றுதான் சொல்ல வேண்டும்.

சாத்தான் இயேசுவைச் சோதித்தபோது, அவன் கூறிய வேதவசனங்களை இயேசு எவ்வாறு எதிர்கொண்டார்?
*இப்படியும் எழுதியிருக்கிறதே* என்று கூறி, தேவனுடைய வார்த்தையின் முழுமையான சத்தியத்தின் அடிப்படையில் சாத்தானுடைய சோதனைகளை மேற்கொண்டார்.
அதுபோல நாமும் எவர் என்ன சொன்னாலும், “இப்படியும் எழுதியிருக்கிறதே” என்று வேதத்தை ஆராய்ந்து பார்த்து, தவறான உபதேசங்களை மேற்கொள்ளக்கூடிய கிருபையைப் பெற்றுக்கொள்ள வேண்டும்.

அடுத்தபடியாக, **பெரேயா பட்டணத்தாரைப் போல, ஆவலோடு வசனத்தை ஏற்றுக்கொண்டு, காரியங்கள் இப்படியிருக்கிறதா என்று தினந்தோறும் வேதவாக்கியங்களை ஆராய்ந்து பார்க்கக்கூடியவர்களாக நாம் இருக்க வேண்டும்* (அப். 17:11).
**இந்த இரண்டாவது வகையைச் சேர்ந்த கிறிஸ்தவர்களைத் தமிழகக் கிறிஸ்தவ சபைகளில் பார்ப்பது மிக மிக அரிதாக இருக்கிறது.*
கண்மூடித்தனமாக நட்சத்திரப் பிரசங்கிகள் சொல்வதை அப்படியே ஏற்றுக்கொள்கிற சிந்தனைதான் இன்றைய கிறிஸ்தவத்தில் அதிகமாகக் காணப்படுகிறது.

**இப்படிப்பட்ட சிந்தனை கொண்டவர்களால் சபைகள் நிரம்பியிருக்கும்வரை, சபையில் எழுப்புதல் என்பது ஒருபோதும் நடைபெறாது*.
சபைகளில் காணப்படுகின்ற இந்தக் கீழான சூழ்நிலைக்கு இரண்டு தரப்பினருமே காரணம்.
போதகர்களின் பொறுப்பு:
விசுவாசிகளை வேதவசனத்தில் ஊக்குவிக்க வேண்டும் என்ற சிந்தனை பல போதகர்களிடம் அறவே காணப்படவில்லை. விசுவாசிகளை வேதவசனத்தில் வளர்க்க வேண்டும், அவர்களைச் சிந்திக்கவும் ஆராயவும் வைக்க வேண்டும் என்ற எண்ணம் கொண்ட போதகர்கள் மிகச் சிலரே இருக்கிறார்கள்.
**விசுவாசிகளிடமிருந்து காணிக்கைகளைப் பெற்று, அதற்குப் பதிலாக உலகப்பிரகாரமான நன்மைகளை மட்டும் வழங்கி, அவர்களுக்கு ஆவிக்குரிய நன்மைகளை விதைக்காமல் இருந்தால், அத்தகைய போதகர்களுக்கு ஐயோ!*
ஒரு விசுவாசியிடமிருந்து காணிக்கையைப் பெறுகின்ற போதகர், அதற்குப் பதிலாக அவருடைய ஆவிக்குரிய வளர்ச்சிக்குத் தேவையான நன்மைகளை விதைக்க வேண்டிய பொறுப்புடையவர். அதைக் குறித்துத் தேவனுடைய சமூகத்தில் அவர்கள் கணக்கொப்புவிக்க வேண்டும்.
**Pastors are accountable to the believers for the spiritual benefits they provide in return for the material support they receive from them.*

விசுவாசிகளின் பொறுப்பு:
அதே வேளையில், விசுவாசிகளுக்கும் வேதத்தைப் புரிந்துகொள்ள வேண்டும் என்ற வாஞ்சை ஏற்பட வேண்டும்.
“எங்களுக்கு வேதத்தைக் கற்றுக்கொடுக்க யாரும் இல்லையே” என்ற **சாக்குப்போக்கைக் கைவிட்டு, உண்மையாகவே தேவனுடைய வசனத்தைத் தேடும்போது*, அதைக் கற்றுக்கொள்வதற்கான வாய்ப்புகளைத் தேவன் கொடுப்பார்.
வேதவசனங்களை யாராவது தவறாகக் கையாளும்போது, இயேசு கிறிஸ்து அதை எவ்வாறு எதிர்கொண்டாரோ, அதேபோல நாமும் எதிர்கொள்ளக்கூடிய
கிருபையைப் பெற்றுக்கொள்ள வேண்டும்.
அதேபோல், பெரேயா பட்டணத்து விசுவாசிகளைப் போல வேதத்தை ஆராய்ந்து, தியானிக்கின்ற சிந்தனையோடு நாம் இருக்கும்போது, இறுதி நாட்களில் சாத்தான் பயன்படுத்துகின்ற கள்ளத்தீர்க்கதரிசிகளால் வஞ்சிக்கப்படாமல் நம்மைப் பாதுகாத்துக்கொள்ள முடியும்.
அதுவரைக்கும் சபையில் எழுப்புதல் வேண்டும் என்று பேசுவது,8 மணலின்மேல் கட்டப்பட்ட கட்டடத்திற்கு ஒப்பானதாகும்.

ல