Loading...
Bro.Ezekiel
Chennai
+91 9444447744

Bible Study

**அப்போஸ்தலர் நடபடிகள் புத்தகத்தின் சிறப்பு.*
**உங்கள் சிந்தனைக்கு.*

**அப்போஸ்தலர் நடபடிகள் புத்தகத்தின் சிறப்பு.*

நமது வேதாகமத்தில் தேவனுடைய வார்த்தைகளாக அங்கீகரிக்கப்பட்ட 66 புத்தகங்களும் பல்வேறு பின்னணிகளைக் கொண்ட மக்களால், தேவ ஆவியானவரின் ஏவுதலின்படி எழுதப்பட்டன. ஆனால், **அந்த எழுத்தாளர்களில் யூதர் அல்லாத ஒரே நபராக பாரம்பரியமாகக் கருதப்படுபவர் வைத்தியரான லூக்கா.*

**இவர் எழுதிய இரண்டு நூல்கள் புதிய ஏற்பாட்டில் சேர்க்கப்பட்டுள்ளன. ஒன்று அவர் எழுதிய சுவிசேஷம். மற்றொன்று அவர் எழுதிய அப்போஸ்தலர் நடபடிகள் புத்தகம்.*
அப்போஸ்தலர் நடபடிகள் புத்தகத்தில் பல சிறப்பு அம்சங்கள் இருந்தாலும், ஒரு குறிப்பிட்ட அம்சம் மிகவும் சிறப்பானது.
**இந்தப் புத்தகம் பேதுருவையும் பவுலையும் ஒப்பிடத்தக்க வகையில், இருவருடைய ஊழியங்களுக்கும் உரிய முக்கியத்துவம் கொடுத்து எழுதப்பட்ட ஒரு நூலாகும்.*

**பேதுருவும் பவுலும் தேவனால் தெரிந்துகொள்ளப்பட்ட இரண்டு முக்கியமான அப்போஸ்தலர்கள்.*
**அவர்களுடைய முக்கியத்துவத்திற்குப் பங்கம் ஏற்படாமல், இருவரையும் சமநிலையில், உரிய அந்தஸ்தில் நிலைநிறுத்தி லூக்கா இந்த நூலை எழுதியுள்ளார்.*

இவர்கள் இருவரும் செய்த அற்புதங்கள், அதிசயங்கள், பிரசங்கங்கள், இவர்களுடைய தைரியம், இயேசுவை அறிவித்த விதம், பரிசுத்த ஆவியினால் நிரப்பப்பட்ட அனுபவம், சிறையில் அடைக்கப்பட்ட சம்பவங்கள், நோயாளிகளைச் சுகமாக்கிய நிகழ்வுகள் எனப் பல காரியங்களிலும் இருவருடைய ஊழியங்களையும் லூக்கா விவரித்துள்ளார்.

**இது ஒரு மிகப்பெரிய சவாலான காரியம்*. **ஆனால், பரிசுத்த ஆவியானவரின் உதவியோடு லூக்கா இந்தப் பணியை மிகவும் சிறப்பாகச் செய்துள்ளார்.*

முதல் 12 அதிகாரங்களில் பெரும்பாலும் பேதுருவைப் பற்றியும், மீதமுள்ள அதிகாரங்களில் பெரும்பாலும் பவுலைப் பற்றியும் குறிப்பிட்டுள்ளார்.

**இந்த நூலில் பவுலைப் பற்றி லூக்கா எழுதாமல் இருந்திருந்தால், அல்லது பேதுருவைப் பற்றி மட்டும் குறிப்பிட்டு இந்த நூலை முடித்திருந்தால், பவுலைப் பற்றியும் அவருடைய ஊழியத்தின் முக்கியத்துவம் பற்றியும் நாம் அறியாமல் போயிருக்கக்கூடும்.*

**அப்படி லூக்கா இந்த நூலில் பவுலைப் பற்றிக் குறிப்பிடாமல் விட்டிருந்தால், பவுல் எழுதிய நிருபங்கள் ஒருவேளை ஆதி திருச்சபையால் அங்கீகரிக்கப்படாமல் போயிருக்கக்கூடும்*. **ஒருவேளை முதல் நூற்றாண்டில் மட்டும் அவருடைய நிருபங்கள் சபைகளில் வாசிக்கப்பட்டு, பின்னாட்களில் அவை ஏற்றுக்கொள்ளப்படாமல் போயிருக்கலாம்*.
**இந்தச் சூழ்நிலையில்தான் அப்போஸ்தலர் நடபடிகள் புத்தகத்தின் முக்கியத்துவத்தை நம்மால் அறிந்துகொள்ள முடிகிறது.*

**It is a vital link between the Gospels and the Epistles*.
சுவிசேஷங்களுக்கும் நிருபங்களுக்கும் இடையே இந்த நூல் ஒரு மிக முக்கியமான இணைப்பாக இருக்கிறது.
இந்த நூல் இல்லாமல் சில முக்கியமான நபர்களையும் இடங்களையும், புதிய ஏற்பாட்டில் இடம்பெற்றுள்ள பல சம்பவங்களையும் புரிந்துகொள்வது கடினம்.
இயேசுகிறிஸ்து தெரிந்துகொண்ட பன்னிரண்டு சீடர்களில் பவுல் ஓர் அப்போஸ்தலராக இடம்பெறவில்லை. அதற்கு மாறாக, பவுல் திருச்சபையைத் துன்புறுத்தி, பாழாக்கியவன். பெண்களையும் பாராமல் துன்புறுத்தியவன். இப்படிப்பட்ட பின்னணியைக் கொண்ட ஒரு மனிதன், ஆண்டவருடைய தனிப்பட்ட தலையீட்டினால் சந்திக்கப்பட்டான்.
இப்படிப்பட்ட அற்புதமான சாட்சியைக் கொண்ட அவனுடைய வாழ்க்கை இந்த நூலில் சொல்லப்படாமல் இருந்திருந்தால், அவனைப் பற்றிய விவரங்கள் உலகத்திலுள்ள சபைகளுக்குத் தெரியாமல் போயிருக்கக்கூடும்
பின்னாட்களில் அவர் எழுதிய நிருபங்கள், திருச்சபையைப் பற்றிய குறிப்புகள், திருச்சபையைக் குறித்த வெளிப்படுத்தல்கள் ஆகியவை உலகத்திலுள்ள சபைகளால் அங்கீகரிக்கப்படாமல் போயிருக்கக்கூடும்.
**ஆனால், தேவனுடைய அனாதி தீர்மானத்தின்படி, லூக்காவுக்குத் தேவையான ஞானத்தைக் கொடுத்து, அவருடைய நூலில் பவுலுடைய சாட்சியையும் ஊழியத்தையும் இணைத்து எழுதச் செய்தார்.*
லூக்கா இந்த நூலை எழுதியதன் மூலம், பவுல் ரோமாபுரிச் சிறையிலிருந்து விடுதலை செய்யப்படுவதற்கு ஏற்ற சூழ்நிலையை உருவாக்கினார் என்ற கருத்தும் உண்டு.
எனவே, தேவன் சில சூழ்நிலைகளை ஏற்படுத்தி, அவற்றின் மூலம் ஒரு தெய்வீக நோக்கத்தையும் நிறைவேற்றுகிறார்.
**One is at the human level; another is at the divine level.*
**Human need with divine necessity – this is the pattern of every book in the Bible.*
**மனிதத் தேவையும் தெய்வீக அவசியமும் இணைந்து செயல்படுவதே வேதாகமத்தின் ஒவ்வொரு புத்தகத்திலும் காணப்படும் ஒரு முக்கியமான முறைமையாகும்.*