கடமை தவறிய ஈசாக்கும்* *ரெபேக்காளும்.
*உங்கள் சிந்தனைக்கு:*
*கடமை தவறிய ஈசாக்கும்* *ரெபேக்காளும்.*
*யாக்கோபு வஞ்சக குணமுள்ளவனாக வெளிப்படுவதற்கும், ஏசா பழிவாங்கும் மனநிலையுடன்* *காணப்படுவதற்கும் அவர்களுடைய குடும்பச் சூழல் ஒரு காரணமாக* *இருந்தது* .
*அதில் பெற்றோர்களாகிய ஈசாக்கும் ரெபேக்காளும் தங்கள்* *பொறுப்பை முழுமையாக நிறைவேற்றத் தவறினர்.*
ஏசா மூத்த மகன். அவன் பிறப்புரிமையை அற்பமாக எண்ணியதையும் பொருட்படுத்தாமல், இளையவனாகிய யாக்கோபே தேவனால் தேர்ந்துகொள்ளப்பட்டவன் என்பதை அறிந்திருந்தும், ஏசாவை ஆசீர்வதிக்க ஈசாக்கு முயன்றது அவரது பெரிய தவறாகும்.
ரெபேக்காளைப் பொறுத்தவரை, இரண்டு பிள்ளைகளையும் சமமாக நடத்தாமல் இருந்தது முதல் தவறு. மேலும், "மூத்தவன் இளையவனுக்குச் சேவகனாயிருப்பான்" என்று தேவன் முன்பே அறிவித்திருந்தும், தேவன் தமது திட்டத்தை நிறைவேற்றும் வரை காத்திருக்காமல், அந்தக் காரியத்தைத் தன் கையில் எடுத்துக்கொண்டு திட்டம் தீட்டி, தவறான வழிமுறைகளை யாக்கோபுக்குக் கற்றுக்கொடுத்தது அவளுடைய இரண்டாவது தவறாகும்.
இதனால் யாக்கோபின் வஞ்சக குணம் மேலும் வெளிப்பட்டது.
அதே நேரத்தில், யாக்கோபும் ஏசாவும் தங்களுடைய செயல்களுக்கு தாங்களே பொறுப்பானவர்கள் என்பதை மறந்துவிடக் கூடாது. யாக்கோபு தந்தையை ஏமாற்றத் துணிந்தான்; ஏசா பிறப்புரிமையை அலட்சியப்படுத்தினான்.
எனவே அவர்களுடைய தவறுகளுக்கான பொறுப்பை முழுவதுமாக பெற்றோர்மீது சுமத்த முடியாது.
பெற்றோர்களாகிய ஈசாக்கும் ரெபேக்காளும் தேவனுடைய சித்தத்தை சரியாகப் புரிந்துகொண்டு, பாரபட்சமின்றி நடந்திருந்தால், குடும்பத்தில் ஏற்பட்ட பல பிரச்சினைகள் தவிர்க்கப்பட்டிருக்கலாம்.
இருந்தபோதிலும், மனிதர்களின் தவறுகளும் பலவீனங்களும் தேவனுடைய திட்டத்தைத் தடைசெய்ய முடியவில்லை. மனிதர்கள் தவறினாலும், தேவன் தமது நோக்கத்தை நிறைவேற்றுகிறார்.
இதுவே தேவனுடைய இறையாண்மையின் மகத்துவத்தை நமக்கு வெளிப்படுத்துகிறது.