யோபுவின் புத்தகம் — வேதபாடம் 38
*உங்கள் சிந்தனைக்கு!*
*
*யோபுவின் புத்தகம் — வேதபாடம் 38*
கடந்த பதிவுகளில், யோபுவை நோக்கி கடவுள் எழுப்பிய 77 கேள்விகளில், பூமியினுடைய படைப்பைப் பற்றி கடவுள் கேட்ட கேள்விகளையும், சமுத்திரத்தின் ஆழங்களையும், பனிக்கட்டியைக் குறித்த கேள்விகளில் காணப்பட்ட சிறப்பான அம்சங்களையும் பார்த்தோம்.
*இந்தப் பதிவில், மழையைக் குறித்து கடவுள் கூறிய வார்த்தைகளின் சிறப்பைக்* *குறித்து சிந்தித்துப் பார்க்கலாம்* .
*“வெள்ளப்பெருக்குக்குப் பாதைகளை வகுத்தவன் யார்? இடிமுழக்கத்திற்கும்* *மின்னலுக்கும் வழியை ஏற்படுத்தினவன் யார்? மனிதர்* *இல்லாத* *தேசத்திலும், மனிதர் யாரும் வசிக்காத வனாந்தரத்திலும் மழை பெய்யச் செய்து, பாழும் வெறுமையான நிலத்தையும் திருப்திப்படுத்தி, புல்* *முளைக்கச் செய்கிறவன் யார்? மழைக்குத் தகப்பன் உண்டோ? பனித்துளிகளைப்* *பெற்றெடுத்தவன் யார்?”*
— *யோபு 38:25–28*
*மழையின் இருப்பு ஒரு அற்புதமான ஆச்சரியம்!*
மழையின் இருப்பு ஒரு அற்புதம். *அது தற்செயலாக உருவாக முடியாத ஒரு ஒழுங்கை நமக்குக்* *காட்டுகிறது* .
*மழை என்பது உண்மையாகவே கடவுள் இருக்கிறார் என்பதையும், தேவனுடைய* *நன்மையை அனைவருக்கும் காட்டும் ஒரு வெளிப்பாடு* *என்பதையும் பவுல் தன்னுடைய கடிதத்தில் குறிப்பிட்டுள்ளார்* .
“ *அவர் நன்மை செய்து, வானத்திலிருந்து மழைகளைத் தந்தார்...”*
— அப்போஸ்தலர் நடபடிகள் 14:17
*மழை எப்படி உருவாகிறது?*
*பூமியை நீர்ப்பாய்ச்சுவது, அதுவும் நாள்தோறும்* , *வருடம்தோறும் தொடர்ந்து நீர்ப்பாய்ச்சிக்கொண்டே இருப்பது ஒரு* *பெரிய கடவுளின் செயலாகும்.*
கோடிக்கணக்கான டன் நீர் கடல்களிலிருந்து மேலே தூக்கப்பட்டு, வளிமண்டலத்தில் தொங்கவைக்கப்பட்டு, வறண்ட நிலத்தின் மேல் வீசப்பட்டு, பின்னர் மண்ணுக்கும் தாவரங்களுக்கும் தீங்கு விளைவிக்காத விதத்தில் மழையாகப் பொழிகிறது.
*மழை பெய்ய வேண்டிய நேரத்தில், வளிமண்டலத்தில் மின்சார அலைகள் பாய்ந்து, ஈரப்பதம்* *சிறு துளிகளாக ஒன்றுசேர வைக்கப்படுகின்றன* . அவை தாகமுள்ள நிலத்தின் மேல் எந்தத் தீங்கும் விளைவிக்காத அளவுக்கு மென்மையாகப் பொழிகின்றன.
*இது மிகவும் இயல்பான ஒரு காரியம். அடிக்கடி நடப்பதால், அதன்* *மகத்தான முக்கியத்துவத்தை நாம் உணராமல் இருக்கிறோம்.*
*நமது தேவைகளுக்காக அருள்பொழியும் நமது தேவனுடைய நல்ல கரத்தை, மழை* *மீண்டும் மீண்டும் தெளிவாக நமக்குப் போதிக்கிறது* !
*மழை என்பது கடவுளின் ஒரு அதிசயத்தக்க செயல். அது நமக்கு* *வழக்கமாக இயற்கையாக நடைபெறும் ஒரு* *காரியமாகத் தோன்றினாலும், அதற்குப் பின்னாலும் தேவனுடைய கிரியை இருக்கிறது* *என்பதை மறந்துவிடக்கூடாது* .
*மழையைப் பொழியச் செய்வதும்* *தேவன்* ;
*மழையைத் தடுத்து நிறுத்துவதும் தேவன்* ;
*மழையை அதிகமாகப் பொழியச் செய்வதும் தேவனே.*
*மழை என்பது அவருடைய கட்டுப்பாட்டுக்குள் இருக்கிறது* *என்பதே யோபுவிடம் கடவுள் கேட்ட இந்தக் கேள்விகள் நமக்கு உணர்த்துகின்றன.*
கடவுளுடைய பணியில்,
இந்த செய்தி கீழ்கண்ட புத்தகத்தை அடிப்படையாகக் கொண்டது
“God's Matchless Question” by Warren Apologetics Center.
In the service of God,